Dadgeriya Îranê, cezayê îdamê li serokê saziya ramanê ya Xeleka Îrfanê Mihemed Elî Tahirî birî. Li gorî agahiyên gihîştin ber dest, Şaxê 26'an ê Dadgehên Şoreşê yên Tehranê, ji sûcê "nebaşî li cîhanê belav kiriye" cezayê îdamê da Mihemed Elî Tahirî. Beriya niha jî cezayê îdamê li Tahirî hatibû birîn û ev ceza ji aliyê dadgeheke bilindtir ve hatibû betalkirin.

Tahirî, ku sala 2000'î navendeke raman û felsefeyê ya bi navê Xeleka Îrfanê ava kir, ji bo pirsgirêkên li Îranê projeyên çareseriyê pêşkêş dikir. Rejîma Îranê, sala 2010'an bi îdîaya "qelsbûna baweriyê" girtibû.

Komîteya Baweriyan a Civaka Demokratîk û Azad a Rojhilatê Kurdistanê duh daxuyaniyeke nivîskî weşandibû, ev biryar şermezar kiribû û xwestibû, ku li Îranê azadiay fikir û ramanê bê parastin.