Li Beyoglûyê destûr ji komekê re nehate dayin ku dixwest qurbaniyên sala 1977'an bi bîr bîne. Ciwanên ku hewl didan dîmenan bikişînin jî di nav de gelek kes hatin binçavkirin.
Înîsiyatîfa Taksîmê ya 1'ê Gulanê ji bo bîranîna 34 kesên ku 1'ê Gulana 1977'an li Taksîmê hatin qetilkirin xwest daxuyaniyekê bide çapemeniyê. Lê belê polîsan bi mertalan pêşî li komê girtin ku qurnefîl di destê beşdaran de bû.
Kom demeke dirêj di nava dorpêçê de hate hiştin. Polîsan piştre êriş birin ser komê û herî kêm 40 kes binçav kirin. Di nava binçavkiriyan de 4 ciwan jî hene ku hewl didan dîmen bikişînin.
