Hikûmeta Yekîtiya Neteweyî ya Lîbyayê ji bo lêkolînkirina qezaya balafirê ya li Enqereyê ku di encamê de Serokê Fermandariya Giştî ya Lîbyayê Muhammed Alî Al-Haddad û şandeya leşkerî ya pê re jiyana xwe ji dest dan, şandeyeke pispor şand Tirkiyeyê.
Li gorî daxuyaniya fermî ya li Lîbyayê, şandeya pispor a di bin bunyeya Serokatiya Gihandinê de, ji bo lêkolîna têkildarî qezayê ji nêz ve bişopîne û têkildarî şert û mercên bûyerê agahiyên berfireh bi dest bixe, gihişt Enqereyê. Hat ragihandin ku şande wê piştî lêkolînan raporeke berfireh pêşkêşî rayedarên Lîbyayê bike.
Li aliyê din hat diyarkirin ku lêpirsîna Serdozgeriya Komarê ya Enqereyê ya têkildarî qezayê, didome. Tê payîn ku cenaze di rojên pêş de bên şandina Lîbyayê.
