Merasîma bibîranînê li hola Partiya Yekîtiya Demokratîk (PYD) ya navçeya Tirbespiyê hate lidarxistin. Bi dehan şênî, malbatên şehîdan, nûnerên saziyên Rêveberiya Xweser ya Herêma Cizîrê û patriyên siyasî tevlî bîranînê bûn.

Li cihê merasîmê wêneyên Rêberê Gelê Kurd Abdullah Ocalan û yên şehîdan hatin daliqandin.

Piştî deqîqeyek rêzgirtinê, wêneyên 29 şehîdên HPG/YJA-Starê, YPG/YPJ, Hêzên Ewlekariya Hundirîn, Trafîk û Tevgera Civaka Demokratîk (TEV-DEM) hatin pêşandan û li nirxandinên Rêber Ocalan ên li ser şehadetê û şehîdan hat guhdarîkirin.

Piştre Endamê Meclisa Malbatên Şehîdan a Tirbespiyê Hec Ebdî Xelef axivî û bal kişand ser êrişên çeteyên Cebhet El Nusra, DAIŞ û dewleta Tirk a dagirker û diyar kir ku keç û xortên herêmê li hember wan êrişan li ber xwe didin û êrişan têk dibin.

Ebdî soz da ku heta xeyalên şehîdên a avakirina civaka azad û demokratîk pêk were wê têbikoşin û têkoşînê geştir bikin.

Piştî axaftinan navên 29 şehîdan hat xwendin. Merasîm bi dirûşmeyên mîna “Şehîd Namirin” bi dawî bû.