Şaxê Stenbolê yê Komeleya Mafên Mirovan (ÎHD) û Însiyatîfa Piştevaniya bi Girtiyan re (TDÎ) girtiyên di komkujiya girtîgehan a 19'ê Kanûnê de jiyana xwe ji dest dan, bi bîr anîn.
Şaxê Stenbolê yê ÎHD'ê û TDÎ ji bo girtiyên di komkujiya 19'ê Kanûnê de jiyana xwe ji dest dan, li ber Girtîgeha Ûrmiyeyê daxuyaniyek dan.
Di dema daxuyaniyê de pankarta bi nivîsa "Me komkujiya 19'ê Kanûnê ji bîr nekir, em ê nedin jibîrkirin" hate hildan. Seroka ÎHD'ê ya Stenbolê Gulsen Yolerî daxuyanî da.
Yolerî doza piştî komkujiyê bi bîr xist û nerazîbûn nîşanî polîtîkaya bêcezahiştinê da.
Yolerî destnîşan kir ku girtîgeh hîn jî cihê kiryarên ji bo şikandina rûmeta mirovahiyê ne û got, "Girtî li dijî êşkenceyê û desteserkirina mafan, ji bo jiyaneke bi rûmeta mirovahiyê bêrawestan têdikoşin."
Yolerî xwest ku binpêkirinên mafên mirovan ên li girtîgehan tavilê bêne rawestandin, lêpirsîneke xurt bê meşandin û berpirsyar bêne cezakirin.
Her wiha hate xwestin ku dawî li tecrîdê û kiryarên li dijî rûmeta mirovahiyê bên anîn.
