Ji roja Pêncşemê ve li Başûrê Kurdistanê bahozeke tozê heye. Ji ber vê gelek seferên balafiran ên Hewlêrê hatin betalkirin. Piştre bahozê berê xwe da başûr, roja Şemiyê jî giha Bexda û piştre xwe li Nasiriyê û gelek bajarên din xiste bin bandora xwe.

Li gelek deveran ji ber tozê miroz nikarin ber xwe bibînin. Kolan û wesayît di bin tozê de mane.

Berdevkê Wezareta Tenduristiyê Seyf El Bedr ji AFP’ê re axivî û diyar kir ku li gelemperiya Iraqê bi dehan kes ji ber nefestengiyê rakirine nexweşxaneyê.

Ji ber beşek mezin a Iraqê çolistan e, di werzê biharê de bahozên tozê radibe.

Ji rayedarên meterolojiyê ya Iraqê Amîr El Cabrî diyar kir, ku ji ber zuhabûn, bê daristanî û nebarîna baranê, dibe bahozên tozê siberojê zêdetir bibin.

Her ku diçe zûhabun li Iraqê zêde dibe û asta germaniyê jî bi ser 50 pileyî dikeve.