Li paytexta Fînlandiya Helsinkîyê bi armanca piştgiriya bi greva birçîbûnê ya girtiyên Kurd re meşek meşaleyî hate lidarxistin.

Li gel partî û rêxistinên ji her çar parçeyên Kurdistanê Tevna Tevgera Serbest a Fînlandiyayê û gelek dostên Kurdan ên Fînlandiyayî meşek meşaleyî li Helsinkîyê hate lidarxistin. Di meşê de bi sedan kes beşdar bûn.

Di meşê de alên PKK, PJAK, PAJK û Herêma Kurdistanê û posterên Rêberê Gelê Kurd Abdullah Ocalan hatin hilgirtin. Kurdan di meşê de pêşmalkên “Ne mirin, çareserî”, “Tirkiye dikuje, bêdeng nemîne” û “îro roja 60’emîn e, êdî bes e” li xwe kirin. Çalakgeran dirûşimên “Qatil Erdogan”, “Terorîst Tirkiye”, “Bijî Serok Apo”, “Bijî Berxwedana Zîndanan” û “Bijî Yekitiya Gelê Kurd” qêriyan.

Di dawiya meşê de mitîngek hate lidarxistin. Di mitîngê de nunerên CDK, Komeleya Kurdan a Helsinkiyê, Komela, Tevgera Goran, YNK û PJAK’ê axivîn. Nunerên partî û rêxistinên Kurd bal kişandin ser girîngiya yekitiya neteweyî ya Kurdan û ji hukûmeta Helsinkiyê kirin ku ji bo pêkanîna daxwazên girtiyan zextê li Tirkiyeyê bike.