Komploya Navnetewî ya 9’ê Cotmehê ya li hemberî Rêberê Gelê Kurd Abdullah Ocalan li gelek bajar û navçeyan hat protestokirin. Li Cizîrê jî tê protestokirin.

Ji ber sedema 9’ê Cotmehê ev sê roje li navçeya Cizîrê çalakî pêk tên û îro kepeng hatin girtin. duh êvarê piştî pevçûna hat jiyîn, îro li navçeyê ji bilî dermanxane û nanpêjan kepenk nehat vekirin.

BDP’iyên ji bo komployê şermezar bikin, xwestin meşekê pêk bînin û polîsan destur neda. Gel û nûnerên BDP’ê li ser vê daxuyaniyek dan çapemeniyê.

Polîsan bi wesayîtên zirxî qada ku daxuyanî lê dihat dayîn, dorpêç kirin û serokê BDP’a navçeyê Ahmet Çeter, diyar kir ku ew careke din hevkar û mêtîngerên navnetewî şermezar dikin û got divê her kes bizane ku koploya li dijî Ocalan pêk hatiye li hemberî hemû gelê kurd pêk hatiye.

Piştî daxuyaniyê girse belav bû û di navbera ciwan û polîsan de pevçûn derket. Hat hînbûn ku pevçûn hêj didome.