Li ber avahiya TUGVA ya AKP'ê teqînek çêbû
Li kêleka avahiya ku Weqfa Ciwanên Tirkiyeyê (TUGVA) ya AKP'ê lê ye, teqînek pêk hat.
Li taxa Gazîosmanpaşa ya Stenbolê li kêleka avahiyeke 5 qatî ku Weqfa Ciwanan a Tirkiyeyê (TUGVA) li du qatên ewil e, teqînek pêk hat.
Li gorî daxuyaniyên dewleta Tirk, di bûyerê de kes nemiriye û birîndar nebûye. Lê camên avahiyê şikestine.
Polîsên Tirk dor li qadê girtin.
Kurê Serokkomarê Tirk Tayyîp Erdogan Bîlal Erdogan, Şaredarê Esenlerê Mehmet Tevfik Goksû di nava Desteya Şêwirmendiya Bilind a TUGVA de cih digirin û biraziyê Erdogan Usame Erdogan jî di desteya qeyûmê de cih digire.
