Li gelek navendên Elmanyayê, wê di salvegera komkujiya Şengalê de çalakiyên protestoyî bên lidarxistin.

Ji bo çalakiyên bi pêşengiya Navenda Civaka Demokratîk a Kurdên li Elmanyayê tê lidarxistin, banga beşdariya xurt hat kirin. Ji bo meşa 3'ê Tebaxê ya li bajarê Swîsre Cenevreyê bi pêşengiya Nûnertiya Derveyî Welat a Meclîsa Şengalê û FKÊ tê lidarxistin jî, banga beşdariyeke xurt hat kirin.

NAV-DEM'ê bi daxuyaniyeke nivîskî hat ragihandin ku dewleta Tirk û paşverûtiya herêmê çeteyên DAIŞ'ê mezin kirine, berê çeteyan beriya salekê dane Şengalê, bi hezaran Kurdên Êzidî qetil kirine û bûne sedem ku bi sed hezaran mirov koçber bibin. Di daxuyaniyê de hat diyarkirin ku bi hezaran jin û keç dîl hatine girtin û rastî pêkanîna herî namerdî hatine û hat gotin, "Yek ji mezintirîn qirkirinên serdema me li pêş çavên tevahiya cîhanê li Şengalê pêk hatiye. Eger destwerdana şervanên YPG, YPJ û gerîlayên YJA STAR û HPG'ê hebûya, ev komkujî wê mezintir bibûya.

Hikûmet û dewleta AKP'ê ya faşîst, eger îro êrîşî Herêmên Parastinê yên Medyayê dike, sedema vê têkçûna çeteyên DAIŞ'ê li Şengal, Kobanê û tevahiya Rojava ye. Têkçûna DAIŞ'ê têkçûna AKP'ê ye."

NAV-DEM'ê da xuyakirin ku ji bo şermezarkirina komkujiya Şengalê, tecrîda li ser Rêbere Gelê Kurd Abdullah Ocalan û êrîşên hikûmeta AKP'ê, wê li van bajaran çalakiyan lidar bixe û banga beşdariyê ir.

Her wiha ji bo meşa navendî ya 3'ê Tebaxê li Cenevreyê, ku Nûnertiya Derveyî Welat a Meclîsa Şengalê û FKÊ organîze dikin, banga tevlîbûnê kir.

Cih û dema meş û çalakiyan:

1'Ê TEBAXÊ

Freiburg
Holzmarkt
Saet: 17:00

Oldenburg
Pêşiya HBF
Saet: 15:00

Dresden
Pragastr
Saet: 17:00

Duisburg
Pêşiya HBF
Saet: 14:00

Bielefeld 
Janplatz
Saet: 15:00

Dortmund 
Pêşiya HBF
Saet: 14:00

Koln
Pêşiya HBF
Saet: 15:00

3'Ê TEBAXÊ

Aachen
Pêşiya HBF
Saet: 18.00

Bremen
Ziegenmarkt
Saet: 17:00

4'Ê TEBAXÊ

Hamburg
Pêşiya HBF
Saet: 17:00