Bûyer sibeha 19'ê Tebaxê li pêşberî Wezareta Karên Hundir rû da.

M.E.F. ku wesayita bi marka 'Toros' a bi rengê spî şewitand, piştî demeke kurt hate binçavkirin û ew birin Midûriyeta Emniyetê ya Bajarê Enqereyê.

Serdozgeriya Komarê ya Enqereyê li ser mijarê daxuyaniyek da û diyar kir ku gumanbar hatiye girtin û got, "Lêpirsîn bi hesasiyet dewam dike."

Wesayitên 'Toros' ên spî di salên 1990'î de li Kurdistanê di revandina mirovan a bi zorê û kuştina kiryarên nediyar ên JÎTEM'ê de dihatin bikaranîn û weke yek ji sembolên qirêj ên wê demê tê naskirin. Wesayitên Toros hîn jî dem bi dem weke gefxwarinê li hemberî Kurdan têne bilêvkirin.

Balkêş e ku bûyer di wê rojê de qewimî ku komîsyona li meclîsê wê li xizmên kesên di kuştinên kiryar nediyar de hatin qetilkirin û yên xizmên xwe winda kirine, guhdarî bikira.