Yekîneya Hiqûqê ya Komeleya Xebatên  Medya û Çapemeniyê (MLSA) girtina nûçegihanê Ajansa Mezopotamyayê Cemîl Ûgûr ragihand ji Dadgeha Mafên Mirovan a Ewropayê re. Li navçeya Şaxê ya Wanê Osman Şîban û Servet Tûrgût ji helîkopterê hatibûn avêtin. Piştî ku ev êşkence bûbû nûçe di 9’ê Cotmeha 2020’an de Cemîl Ûgûr tevî rojnameger Adnan Bîlen, Şehrîban Abî û Nazan Sala hatibû girtin.

Parêzerên Ûgûr di serlêdana DMME’yê de diyar kirin ku Dadgeha Makeqanûnê li ser giliya wan a ku azadiya îfadeya Ûgûr hatiye binpêkirin nesekiniye û bal kişandin ser vî tiştî ku mexdûriyeta Ûgûr didome.

Di serlêdanê de hate diyarkirin Ûgûr bi nûçeya xwe ya ‘Piştî hatin destgîrkirin 2 roj şûnde li nexweşxaneyê derketin’ a di 13’ê Îlona 2020’an de, bûye yekemîn nûçegîhanê ku ev êşkence ragihandiye û ji ber ku bi nûçeyên xwe rayedarên desthilatdariyê aciz kirine, tevî hevalên xwe yên rojnameger bûye hedef.