Ji bo dîtina Rêberê Gelê Kurd Abdullah Ocalan serlêdan hate kirin
Parêzerên Rêberê Gelê Kurd Abdullah Ocalan serî li Serdozgeriya Komarê ya Bûrsayê û Midûriyeta Girtîgeha Îmraliyê dan ku karibin muwekîlên xwe bibînin.
Serlêdan ji aliyê parêzerên Abdullah Ocalan Raziye Ozturk, Îbrahîm Bîlmez, Cengîz Yureklî û Mazlûm Dînç ve hate kirin.
Rêberê Gelê Kurd Abdullah Ocalan ku sala 1999'an bi komployeke navneteweyî dîl hate girtin, ji hingî ve li Girtîgeha Tîpa F a bi Ewlekariya Bilind a Îmraliyê tecrîdkirî ye.
Herî dawî 25'ê Adara 2021'ê bi rêya telefonê bi Abdullah Ocalan re hate axaftin, lê ew axaftin jî nîvco hate hiştin.
