Parêzerên Ocalan, Raziye Ozturk, Rêzan Sarica, Faîk Ozgur Erol û Emran Emekçî bi daxwaza hevdîtina bi miwekîlên xwe re serî li Serdozgariya Komarê ya Bursayê û Midûriyeta Girtîgeha Îmraliyê dan.

Rêberê Gelê Kurd Abdullah Ocalan ji sala 1999’an û vir ve ku bi komployek navneteweyî dîl hate girtin, li Girtîgeha Tîpa F a bi Ewlekariya Bilind a Îmraliyê di bin şert û mercên giran ên tecrîdê de ye.

Hevdîtina Abdullah Ocalan a herî dawî di 25 Adara 2021’ de li gel birayê xwe bi telefonê pêk anîbû. Ew hevdîtin jî di nîvê de hatibû birîn.

Parêzerên Rêberê Gelê Kurd Abdullah Ocalan piştî 8 salan di 2-22’ê Gulanê, 12-18 Hezîran û 7’ê Tebaxa 2019’an karîbûn miwekîlê xwe bibînin. Ji 7’ê Tebaxa 2019’an û vir ve serlêdan hemû bê bersiv mane.