Heyeta DEM Partiyê wê sibe bi TÎP'ê re hevdîtinê bike
Heyeta Îmraliyê ya Partiya Demokrasî û Wekheviyê ya Gelan (DEM Partî) di çarçoveya danûstandinên xwe yên bi partiyên siyasî re sibe wê bi Partiya Karker a Tirkiyeyê (TÎP) re hevdîtinê bike.
Di nava Heyeta Îmraliyê de Pervîn Bûldan, Mîthat Sancar û endamê Buroya Hiqûqê ya Sedsalê parêzer Faîk Ozgur Erol hene. Hevdîtina bi TÎP'ê re wê li Meclîsa Millet a Mezin a Tirkiyeyê saet di 16:00 de pêk were.
Heyeta Îmraliyê beriya hevdîtina bi TÎP'ê re wê saet di 14:00 de li Meclîsê bi Partiya Edalet û Pêşvebirinê re hevdîtinê bike.
Hevdîtina bi Partiya Gel a Komarê re jî wê 22'ê Kanûnê saet di 12:00 de li Navenda Giştî ya CHP'ê pêk were.
