Hevserokên Giştî yên HDP'ê gotin, "Bi xemgîniyeke mezin em pê hesiyan ku yek ji sembolên têkoşîna aştî, edalet û azadiyê, xwediyê xelata aştiyê ya Nobelê serpîskoposê Efrîkaya Başûr Desmond Tûtû wefat kiriye."

Di peyamê de hate gotin, "Her tim bala xwe li ser têkoşîna aştî û azadiyê ya Kurdan bû û bi dilnizmiyeke mezin piştgirî da. Ne tenê bi gotinê, her wiha bi çalakiyê li ber zaliman rabû, li cem bindestan ma. Em ê di hiş û têkoşîna xwe de xwedî li vî dost û kesayetê dîrokî derkevin.

Em careke din dilsoziya xwe ya bi armancên aştî, edalet û azadiyê yên Desmond Tûtû radigihînin û sersaxiyê ji hezkiriyên wî û gelên Efrîkaya Başûr re dixwazin."