Hacî Esvet û kurên wî Celal û Adil Şenyaşar ku di 14'ê Hezîrana 2018'an de li navçeya Pirsûsê ya Rihayê, di êrişa parêzvan û xizmên endamê AKP'ê Îbrahîm Halil Yildiz de hatin kuştin, li ser gorên xwe hatin bîranîn.

Malbata Şenyaşar, rêxistinên bajar û navçeyan ên DEM Partiyê û parlamenter Ferît Şenyaşar û Omer Ocalan beşdarî bîranînê bûn.

Hevseroka DEM Partî ya Rihayê Ayşe Surucu di bîranînê de axivî û êrîşa li dijî malbata Şenyaşar şermezar kir û anî ziman ku têkoşîna wan a li dijî bûyerên bi vî rengî dewam bike.

Parlamenterê DEM Partî yê Rihayê Omer Ocalan jî diyar kir ku bûyera ku hat serê malbata Şenyaşar û bêedaletiyên piştî wê, ji nêz ve ji aliyê raya giştî ve tê şopandin. Ocalan anî ziman ku êrîş wekî bûyereke kesî neyê pênasekirin û got ku hin aliyan derfetên dewletê li dijî malbatê bi kar anîn.

Ocalan di heman demê de diyar kir ku têkoşîna edaletê ya bi salan a Emîne Şenyaşar têgihiştina ku piştî bûyerê dihat xwestin were afirandin, vala derxist û ji bo pêşîlêgirtina bûyerên bi vî rengî îşaret bi girîngiya wîjdana civakî kir.

Bîranîn piştî xwendina duayan bi dawî bû.