Navenda Çapemeniyê ya YPG'ê bi daxuyaniyeke nivîskî, nasnameyên du şervanên xwe yên di berxwedana Kobanê de jiyana xwe ji dest dan, aşkera kir.

Di daxuyaniyê de hat gotin, "Mîna Jiyan û Selîm bi hezaran hevrêyên me ji dil bi Rojava re bûn yek. Ji bo hovîtiyê bisekinînin û avê bidin şitlên mirovahiyê, bi wêrekî li ber xwe dan. Germaniya tilîliyên wan ên di govenda azadiyê de, li gelemperiya Kobanê belav bû. Di şexsê hevrê Jiyan û Selîm de em soz dikin ku heta dawiyê em ê govenda wan a azadiyê bigerînin û têbikoşin."

Nasnameyên her du şervanan bi vî rengî ne:

Nasnav: Jiyan Berxwedan
Nav û paşnav: Bîrcan Dogan
Navê dê û bav: Îdî-Şehmûz
Cih û dema ji dayikbûnê: Mêrdîn/Çiyayê Mazî - 1992
Dem û cihê şehadetê: 01.10.2014/Kobanê

Nasnav: Selîm Mêrdîn
Nav û paşnav: Bayram Kiliç
Navê dê û bav: Zozan-Hasan
Cih û dema ji dayikbûnê: Mêrdîn/Nisêbîn - 1987
Dem û cihê şehadetê: 01.10.2014/Kobanê