Navenda Çapemeniya YPG’ê der barê şerê Helebê de daxuyaniyek da. YPG’ê diyar kir ku hêzên wan di 18’ê Cotmehê de li Taxa Bîstan Paşa ya Helebê li dijî komên çete operasyonek li dar xistin .

Di daxuyaniya YPG’ê de wiha hat gotin: “ Operasyonên parastinê yên hêzên me li hember êrîşên çeteyan ên li dijî Taxa Şêxmeqsûd a giredayî Helebê dimeşînin berdewam dikin. Hêzên me bi vê armancê duh li Taxa Bîstan Paşa, herêma dikeve navbera kargeha zeytê û rêya Misbeh de operasyonek li dar xistin. Di encama operasyonê de maşînek leşkerî ya çeteyan tevî çeteyên di nav de hat rûxandin. Hejmara kuştî û birîndarên çeteyan nehatiye zelalkirin.”