Şervanên QSD’ê gundê Bîr Heba yê dikeve Rojavayê Çiyayê Kizwana ji çeteyan rizgar kirin.

Hat ragihandin ku Hêzên Sûriyeya Demokatîk (QSD) di çarçoveya operasyona xwe ya ‘Tolhildana ji bo Cûdî û Êlîn’ a li Rojavayê Çiyayê Kizwana de, di saet 20.15’an de gundê Bîr Heba ji çeteyan rizgar kir.

Ev gund 47 km dikeve Rojhilatê bajarokê Silûkê. Piştî rizgarkirinê li gund û derdor xebatên lêgerînê ji aliyê şervanên QSD’ê ve hatin destpêkirin.

Operasyona Hêzên Sûriyeya Demokratîk a ku li vê herêmê dayî destpêkirin, berdewam dike û pêl bi pêl mezin dibe. Li vê qadê balafirên şer ên Koalîsyona Navnetewî ya li dijî DAIŞ’ê jî piştgiriyê didin operasyonê û baragehên çeteyan bombebaran dikin.