Serokê Parlamenta Başûrê Kurdistanê Dr. Yûsif Mihemed û komek ji heyeta parlamenterên Tevgera Goran a pê re, ji ber astengiya hêzên PDK'ê nikarîbûn bikevin nava bajarê Hewlêrê.

Serokê Parlamentê Dr. Yûsif Mihemed ê danê vê sibehê xwest biçe Hewlêrê û dest bi karê xwe bike, tevî parlamenterên Goran ên pê re, ji aliyêzên PDK'ê ve li pêşiya bajêr hatin sekinandin û destûr ji wan re nehat dayîn ku bikevin nava bajêr.

Komîteya Navendî ya PDK'ê duh êvarê bi daxuyaniyekê, ji Serokê Parlamentê û wezîrên ji lîsteya Tevgera Goran ên di nava hikûmetê de îstifa bikin û Hewlêrê biterikînin. Li hemberî vê daxwaza PDK'ê, Tevgera Goran destnîşan kir ku ew ê îstifa nekin û li ser karê xwe bin.