Li navçeya Rewandiza Hewlêrê ji bo destkeftiyên Rojavayê Kurdistanê bi armanca piştgiriyê çalakiyek hat lidarxistin

Demjimêr 22:00 duh şevê, saziyên medenî, çalakvanên sivîl, rojnamevan û gelê her du navçeyên Rewandiz û Soranê, bi armanca piştgiriya ji şoreşa Suriyeyê û azadkirina Rojavayê Kurdistanê kombûnek saz kirin.Kombûn li navenda bajarê Rewandizê hate lidarxistin û beyannameyek hate xwendin.

Di daxuyaniyê de çalakvanên sivîl ji gelê Kurd xwestin ku her Kurde xwe li hember Rojavayê Kurdistanê berpirsiyar bibîne û erkên xwe li hember gel bi cîh bîne. Di berdewama daxuyaniyê de çalakvanan nerazîbûna xwe li hemberî leşkerkêşiya hêzên Iraqê bo navçeyên sinoriyê Herêma Kurdistanê derbirî û her wisa ji Serokatiya Herêmê xwestin ku bi her awayî piştgîriya penaberên Rojavayê Kurdistanê bikin ku hatine Başûrê Kurdistanê û di rewşeke xirab de ne.