Navenda Çapemeniya QSD’ê der heqê geşedanên 28’ê Hezîranê de daxuyaniyeke nivîskî weşand û agahî ji qada şer ragihandin.

Di daxuyaniyê de hat gotin ku 28’ê Hezîranê çeteyên DAÎŞ’ê hewl dane ku ji milê rojhilatê başûr a bendava Tişrîn a giredayî Kobanê êrîşê bi ser şervanên wan de bînin lê şervanên wan bi awayekî tund bersiv dane çeteyan û piştî şerekî demkurt çete ji qadê bi revî revî vekişiyane. Di berdewamiyê de QSD’ê diyar dike ku  kuştî û birîndarên çeteyan çêbûnê, lê belê hejmara wan nehatiye zelalkirin û di encama vî şerê demkurt de piştî lêgerîna qadê hêzên wan tevî termekî çeteyan dest danîne ser 1 rext û dûrbînekê û hin tomariyên rêxistinî.

Herî dawî di daxuyaniyê de hat diyarkkirin ku 28’ê Hezîranê piştî nîvroyê şervanên wan li gundê Qedriyê balafireke keşfê ya çeteyên DAÎŞ’ê xistine.