Navenda Ragihandin û Çapemeniyê ya HPG’ê têkîldarî êrîşên artêşa Tirk ên li ser Herêmên Parastinê yên Medyayê daxuyaniyek nivîskî weşand.
Detayên bomberdûman û tevgera hewayî wiha hat parvekirin:

“24’ê Sibatê balafirên şer ên Tirk, saet 17.00-18.30’an gundê Bêava yê girêdayî herêma Qendîl a ji Herêmên me yên Parastina Medyayê bomberdûman kir. Di encama bomberdûmanê de malên şêniyên gund zerar dîtine.

Saet di navbera 24’ê Sibatê 22.30’an û 25’ê Sibatê (îro) 01.30’an her wiha, îro saet 05.00-06.00’an de qereqola Arûş a li sînorê navçeya Qileban a Şirnexê; girê Şehîd Dîlber ê girêdayî herêma Metîna ya ji Herêmên me yên Parastina Medyayê bi obus û hewanan bombe kir.

24’ê Sibatê saet 14.00-15.30’an û 17.30-20.30’an li ser herêma Zapê, di navbera saet 22.30 û 25’ê Sibatê 05.30’an de li ser herêma Heftanînê, 25’ê Sibatê saet 06.00-13.00’an li ser herêma Avaşînê pêgerên hewayî yên keşfê geriyan. 24’ê Sibatê saet 11.00-13.00’an li herêma Qendîlê, saet 17.00-18.30’an li herêma Zapê tevgera balafirên şer çêbû.”