Li Colemêrg Geverê, piştî "qedexeya derketina derve" ya duh bi şev hat îlankirin, polîsên Tirk kesekî bi navê Ersîn Aydin qetil kirin. Saet di 01:00 ê nîvê şevê de, bi rêya anonsan derketina derve hat qedexekirin û di heman demê de bi dehan wesayîtên zirxî li ser rêya Şemzînanê hatin bicihkirin. Polîsên ku bi wesayîtên zirxî ketin nava Taxa Kişlayê, Konê Mertalên Zindî dan ber agir û bi kepçeya zirxî re Mala Gel xera kirin.

Polîsên Tirk ên ku gule li taxê reşandin, ji şêniyên taxê Ersîn Aydin ji mil û zikê wî birîndar kirin. Aydin ê bi giranî birîndar bû, li Nexweşxaneya Dewletê ya Geverê jiyana xwe ji dest da.

Di vê navberê de li Taxa Mezarlikê, di dema derbasbûna kepçeya zirxî de teqînekê rû da û di encamê te kepçe îmha bû, 2 polîsên tê de birîndar bûn.

Kurdistaniyan bi berbanga sibehê re, tevî "qedexeyê" jî herikîn kolanan û hem berê xwe dan Nexweşxaneya Dewletê ya Geverê ku cenaze lê ye, hem jî herikî taxên êrîş lê tên kirin.