Şervanên Pêngava Xezeba Firatê her bi pêş ve diçin. Şervanên ji aliyê Silûkê ve tevdigerin, di roja 6. a pêngavê de gundê Wadî El Wirûd ê bi 30 kîlometreyan dûrî gundê Qenterî ye, ji çeteyên DAIŞ'ê rizgar kirin.

Şervanên ji aliyê Eyn Îsa ve tên jî, girekî stratejîk, gundek û 3 gundik ji çeteyên DAIŞ'ê rizgar kirin.

Şervanên ji eniya Eyn Îsa ve bi pêş ve diçin, girê Şahîn ê li ser Çemê Belîxê, gundê El Eric ê bi 13 kîlometreyan li bakurrojhilatê gundê El Etiye ye û 3 gundik ji çeteyên DAIŞ'ê rizgar kirin.

Wekî din, şervanên li eniya Silûkê jî bi 39 kîlometreyan bi pêş ve çûne û xwe gihandine gundê Hayîşê. Li gundê Hayîşê di navbera şervanan û çeteyên DAIŞ'ê de şer diqewime.

Çavkaniyên leşkerî dibêjin, Girê Şahîn ê ji çeteyan hatiye paqijkirin cihekî stratejîk e.

Li aliyê din hat ragihandin ku li gundê El Eric ê ji çeteyan hat paqijkirin, gelek mayin hatine bicihkirin.