Li gorî nûçeyeke Radio Çira ya Şengalê ku li herêma Şenbalê weşanê dike, rayedarên Partî Demokratî Kurdistan (PDK) îro piştî nîvroj karîdora di navbera herêma Şengalê û Rojavayê Kurdistanê de girt û nehişt welatiyên Şengalê derbasî Rojava bibin.

Li gorî heman nûçeyê hêzên PDK’ê li ser benda kontrolê ya li gundê Momî ya girêdayî Şengalê bi cih bûne û nahêlin welatiyên Şengalê derbasî Rojava bibin. Sedema girtiya riya di navbera Şengal û Rojava de jî diyar nekirin. Welatiyên Şengalê jî ev kiryara PDK’ê şermezar kirin û gotin ku serdana wan a Rojava tenê ji bo peydakirina pêdiviyên jiyanî û dermankirinê ye.

Meclîsa Tevgera Demokratîk a Êzdiyên Azad jî bi daxuyaniyekê ku Radio Çira de weşand got ku ev kiryarên PDK’ê êşa welatiyên Şengalê zêde dike û bang li rayedarên PDK’ê kir ku dest ji van kiryaran berdin û destên xwe bidin welatiyên Şengalê.