NCKD’ê li Bonnê 5.Kongreya xwe li dar xist
Li Bonnê Navenda Civaka Kurd a Demokratîk (NCKD) 5.Kongreya xwe li dar xist. Di kongreyê de berxwedana xwerêveberiyê hat silavkirin, ji bo ‘ kampanyaya malbatên xwişk û bira’ piştgirî hat xwestin.
Li bajarê Bonn ê Elmanyayê Navenda Civaka Kurd a Demokratîk (NCKD) 5.Kongreya xwe li dar xist.
Di kongreyê de Siyasetmedarê Kurd Îsmet Kem axivî û bal kişand li ser şerê Kurdistanê. Her wiha Kem diyar kir ku dema mijar dibe Kurd hemû desthilatdar dibin yek û Serokkomarê Tirk Erdogan jî dijminê Kurdan e.
‘PEWÎST E EM ZÊDETIR HEWL BIDIN’
Kem ê ku bal kişand li ser girîngiya Meclîsên Civaka Demokratîk û Xwerêveberiye Demokratîk, wiha got; “Mehmet Tunç jî rêveberekî van meclîsan bû, bi berxwedanê ve serî netewand. Em jî bi meclîsê xwe ava bikin û bi xebatên xwe têkoşîna xwe hê bi hêztir bikin.”
Siyasetmedarê Kurd Kem banga piştgiriyê ji bo ‘ kampanyaya malbatên xwişk û bira’ kir.
Di Kongreyê de ji bo hevserokatiyê jî Ayda Ekmezkiliç û M.Emîn Şenocak hatin hilbijartin.
...
