Operasyona Şehîd Fermandar Feysel Ebû Leyla di roja xwe ya 40. de ye. Di çarçoveya operasyoanê de li aliyên bakur û başûrê bajêr li nêzî taxa Hezawne û Sebî Behrat, di navbera şervanên Meclîsa Leşkerî ya Minbicê û çeteyan de şerekî dijwar rû dide. Di vê navberê de çete li aliyê bakur ketine nava panîkeke mezin û dev ji gelek nuqteyên xwe berdane û reviyan e. Di şerê li vir qewimî de, wesayîtek çeteyan hat rûxandin û 12 çete hatin kuştin.

Li bakur û başûrê bajêr jî karê bêbandorkirina mayînan li derdora Çerxerêya Sebî Behart, taxa Hezawne didome.

Wekî din, li gelek eniyan ji duh bi şev û vir ve şerekî dijwar diqewime. Li derdora Dibistana Eqîlê çeteyan êrîşî hin nuqteyên şevanan kirin. Şervanên Meclîsa Leşkerî ya Minbicê bersiveke tund dan û di encamê de 13 çete hatin kuştin.

Li rojavayê bajêr jî li aliyê Xaçerêya Şerîa şervanên meclîsê mayîn ku çeteyan di kolan û malan de bicih kiribûn, bê bandor kirin û bi pêş ve çûn. Her wiha çeteyekî ku xwe di malekê de veşartibû hat kuştin. Bêbandorkirina mayînên li kolan û malan didome.

Her wiha balafirên şer ên koalîsyonê jî bi lêdanên hewayî destekê didin operasyonê.