Li Navenda Çanda Kurd a li bajarê Kassel ê Elmanyayê, şehîdên Berxwedana 14'ê Tîrmehê bi merasîmekê hatin bîranîn.

Bîranînê saet di 13:00 de destpê kir û gelek Kurdistanî tevlî bûn.

Di bîranînê de berxwedêrên di Berxwedana Rojiya Mirinê ya 14'ê Tîrmehê de jiyana xwe ji dest dan bi rêzdarî hatin bîranîn û qala girîngiya dîrokî ya berxwedan û têkoşîna wan hate kirin.

Her wiha li ser berxwedana 14'ê Tîrmehê sînevîzyonek hate nîşandan.

Bi navê KOMAW'ê Alî axivî û anî ziman ku ruhê berxwedana 14'ê Tîrmehê hîn jî rê nîşanî têkoşîna azadiyê dide.