Mamostayên li Xaneqînê jî tevlî çalakiya boykotê ya li Başûrê Kurdistanê bûn.

Li Başûrê Kurdistanê ji ber krîza siyasî û aborî ya li herêmê û nedane meaşan ku mamosta dibistanan boykot dikin, navçeya Xaneqîn a herêma Diyalaj jî tevlî bû.

Mamostayên Xaneqînî yên li ber Midûriyeta Perwerdeya Navçeyê kom bûn, bi meşekê nedana meaşan protesto kirin.

BANGA PIŞTGIRIYÊ

Di çalakiyê de mamosta axivîn û diyar kirin ku heta pirsgirêk çareser nebin wê çalakiya xwe bidomînin. Mamosteyan bang li sazî û dezgehên civaka sivîl kirin û piştgirî xwestin.

Ji mamostayên çalakvan, Mûna Qadir axivî û bang li tevahî mamostayên li navçeyê kir û got: “Ez bang li tevahî mamostayên Xaneqînê dikin; werin em bi hev re mafên xwe yên rewa bixwazin. Em meaşê xwe yê sê mehan ê hikûmet nade me bixwazin. Em neçin dibistanan, em dest bi dersan nekin. Heta ku em mafê xwe bi dest bixin, em dibistanan boykot bikin.”