Li Til Temîr bi 3 qemyonên bombebarkirî êrîşên xwekujî yên hemwext hatin lidarxistin. Hate ragihandin ku di encama êrîşan de ji sivîlan kesên jiyana xwe ji dest dane û birîndar bûne hene.

Danê êvarî nêzî saet 17.30’an, 3 êrîşên xwekujî yên teqînê yên hemwext hatin lidarxistin.
Hate diyarkirin ku teqîna yekemîn li ber sûka El-Hal, a 2’yemîn li pêşiya nexweşaxaneya bajar û ya 3’yemîn jî di nava sûka navendî ya bajar de pêk hatiye.

Li gor agahiyan di encama teqînan de mirî û bi dehan jî birîndar hene. Her wiha ziyanên madî yên mezin jî çêbûne.
Sivîlên ku di teqînan de birîndar bûne, rakirin nexweşxaneyên bajarê Qamişlo, Hesekê û Serêkaniyê.

Der barê hejmara mirî û birîndaran de ti agahiyên zelal nehatin bidestxistin.