Piştî pevçûnên dijwar ên li navçeya Şemizînana Colemêrgê, nûqteyên kontrolê yên leşkerî yên li ser rêya Gever-Şemizînan hatin rakirin.

Piştî pevçûnên dijwar ên li Şemizînan û navçeyên din ên Colemêrgê, artêşa Tirk dest bi sererastkirinên yekîneyên leşkerî kir. Nûqteyên kontrolê yên leşkerî yên bi salan in li ser rêya Gever-Şemizînanê bûn hatin rakirin û hemû kotrolên li pêşiya qereqola Harûnan hatin rakirin.

Artêşa Tirk nikare di erdê re li herêmê tevbigere, ji ber wê jî leşkerên xwe bi helîkopteran vediguhêze.

Herêma berfireh a li derdora Şemizînanê ji 23’yê tîrmehê ve di bin kontrola gerîlayan de ne. Her wiha, derdora navçeya Çelê jî ji 4’ê tebaxê ve di destê gerîlayan de ye.