Li Taxa Xaçort a girêdayî navçeya Îpekyolû, Taxa Kûrûbaş a girêdayî Artemêtan û Taxa Akkopru ya girêdayî Tûşba yên Wanê di navbera endamên YDG-H û polîsan de pevçûnan rû da. Endamên YDG-H’ê ku li taxan bend danîn û nasname kontrol kirin, polîsan Tirk bi gelek wesayîtên zirxî, ava şid û bombeyên gazê êrîşî ciwanan kirin. Endamên YDG-H’ê jî ku bi kevir, fîşekên hewayî, bombeyên deng û molotofkokteylan bersiv dan pevçûn derket. Bi taybet li Taxa Xaçort a girêdayî Îpekyolû û taxa Kûrûbaş a girêdayî Artemêtan dengên teqînên dijwar û çekan tê.

Pevçûn li her sê taxan jî didomin. Helîkopterên polîsan li ser taxên pevçûn rû didin digerin.