Di pêşengtiya Rêxistina HDP’ê ya bajarê Stenbolê li qada Galatasarayê hêzên demokrasiyê bi armanca protestokirina qetlîamên li Kurdistanê kom bûn, polîsan êrîş kir. Polîsên dewleta Tirk bi bombeyên gazê û ava şit êrîşî girseyê kirin, Cadeya Îstîklalê ya Taksîmê dorpêç kirin û 8 kes binçav kirin.

Hêzên demokrasî yên ku dixwest qetlîamên li Kurdistanê protesto bikin, li qada Galatasarayê rastî êrîşa polîsan hat. Polîsan qada Galatasarayê dorpêç kirin û polîsan êrîşî girseya ku dirûşmên “ Bijî Serok Apo “ û “ PKK Gel E, Gel Li Vir E” gotin, kirin.

Polîsên bi bombeyên gazê û ava şid êrîşî girseyê kir 8 kes derb kirin û binçav kirin. Girseya ku li Cadeya Îstiklal a Taksîmê bertek nîşanî bûyeran da û dirûşmên “ Kurdistan Goristan Ji Bo Faşîstan” qîr kirin û polîsan li ser vê dîsa êrîşî girseyê kir. Li Taksîmê hê nearamîbûn didome.