Tîmên taybet ên Tirk li nuqteyên stratejîk ên navenda Şirnexê hatin bicihkirin, li ser banên avahiyan sekvan tên danîn. YDG-H’ê jî da xuyakirin ku pêr li Taxa Dîcleyê 4 tîmên taybet birîndar bûn, çawîşekî pispor jî hate kuştin.
Hêzên dewletê bi rojan e êrîşî navenda bajarê Şirnexê dike, dest bi sewqiyata leşkerî ya zêde kir. Li gor agahiyên hatin bidestxistin; li navenda Şirnexê li Hekîmevî, nexweşxaneya kevn, nexweşxaneya diranan, avahiya Midûriyeta Bajar a Daristanê û li nuqteyên xwedî girîngiyek stratejîk tîmên taybet tên bicihkirin, her wiha sewqiyatên çekên giran û cebilxaneyan tên kirin.

Hate ragihandin ku ji bo avahiyên behsa wan hatin kirin, bi kîsan kûm hatin kişandin û ji bo çeperan û bicihkirina sekvanan li şibake û banan hatin danîn. Li cem vê jî gel diyar kir ku tîmên taybet ên li hekîmevî hatine bicihkirin ji bo gel malên xwe vala bikin, wan tehdît dikin û heqaretan li wan dikin.

Dîsa, Tevgera Ciwanên Welatparêz Şoreşger (YDH-H) di daxuyaniya xwe ya li ser tevna civakî de da xuyakirin ku pêr li Taxa Dîcle 4 tîmên taybet birîndar bûn û li derdora avahiyên Midûriyeta Bajar a Daristanê jî çawîşekî pispor hate kuştin.