Li Silopiyayê  terora dewletê di roja 15. de dewam dike, hêzên dewleta Tirk di saetên şevê de êrîşên xwe dijwar kirin. Ev nêzî saetekê ye bê navber taxên Başak û Nûh bi topan tên bombardûmankirin.

Êrîşên dewleta Tirk a li hember berxwedana xwerêveberiyê di roja 15. de  li Silopiyayê didome, di saetên şevê de bi çekên giran li hember taxan hê dijwartir bû. Ev nêzî saetekê ye bê navber taxên Başek û Nûh bi topan tên bombardûmankirin. Polîsên tîmên taybet ên Tirk jî bi bombeavêjan êrîşî taxan dikin.

Gel li hember hemû êrîşan jî li ser piyan e û bi dirûşmên “Bijî Berxwedana Silopiyayê” ve berxwedana xwe didomîne.