Navenda Ragihandinê û Çapemeniyê ya HPG’ê, têkildarî êrîşa topan a dewleta Tirk û tevgerên hewayî daxuyaniyek nivîskî weşand. Di daxuyaniya HPG’ê de wiha hat gotin: “19’ê Kanûnê saet 15:00-15:30’an qereqola Bilîcan a dikeve xeta sînorê herêma Zapê ya Herêmên Parastinê yên Medyayê; Gareya Biçûk, Kanî Cinnetê, Tepê Hakan û herêma derdora wê, saet 19:00-21:00’an qereqolên Serê Sêvê û Erîş qûntarê Cehennem, Gundê Sernê, Gundê Yekdarê û Latê Kewa bi obus, hewan û tankan bombardûman kirin.

19’ê Kanûnê saet 15:00- 16:00’an qereqola Tepê Sor a li ser xeta sînorê herêma Metîna; herêmên Girê Gever û Girê Şehîd Şoreş, di heman saetan de jî qereqola Arûşa jî; Herêma Şehîd Dîlber bi obus û hawanan bombardûman kir.

19’ê Kanûnê saet 16:00-17:00’an qereqola Oremar a girêdayî navçeya Gever a Colemêrgê; Girê Şehîd Gafûr ê li ser xeta sînor, bi obûs û hewanan bomberdûman kir.”

TEVGERÊN HEWAYÎ DIDOME

HPG’ê diyar kir ku tevgerên hewayî jî didomin, 19’ê Kanûnê saet 16:00- 20:00’an pêgerên hewayî yên keşfê li ser herêma Avaşîn ya Herêmên Parastinê yên Medyayê geriya; 19’ê Kanûnê saet 11:00- 13:30’an û 17:30- 20:00’an li ser herêma Zapê, 20’ê Kanûnê (îro) jî saet 00:00 -03:00’an tevgera balefirên şer çêbûye.

Hat ragihandin ku roja 20’ê Kanûnê (îro) saet di navbera 09:00-13:00’an de pêgerên keşfê yên girêdayî artêşa Îranê, li ser herêma Xakûrkê ya girêdayî Herêmên Parastinê yên Medyayê geriyaye.

HPG destnîşan kir ku ev 2 rojên dawî, qereqola Elemûn a li ser xeta sînorê herêma Metîna rêyek nû ya ewlekariyê ya ber bi herêma Dûavê ve çêdike.