Li paytexta Avûstûrya Viyanayê ji bo balkişandina ser qetlîamên sivîl ên li Bakurê Kurdistanê çalakiya rûniştinê ya li pêşiya Parlamentoya Avûstûryayê îro destpê kir.

Li pêşiya Parlamentoya Avûstûryayê ji bo balkişandina ser qetlîamên sivîl ên li Bakurê Kurdistanê, Kurdistaniyan çalakiya rûniştinê ya 2 rojan dan destpêkirin. Çalakvanên li pêşiya parlamentoyê kon danîn, panoyek mezin a Rêberê Gelê Kurd Abdullah Ocalan vekirin, di serî de Sûr, Cizîr, Silopiya wêneyên sivîlên ku di encama êrîşên qetilkirinê yên dewleta Tirk de hatin qetilkirin û her wiha wêneyên kolanên Kurdan ên di encama terora dewleta Tirk de bûne xirbe hatin daliqandin.  Têkîldarî çalakiyê belavokên Elmanî û Îngîlîzî hatin belavkirin.

Çalakî wê sibehê jî bidome.