Li navçeya Mêrdîn Nisêbînê, li ser kolana Çaxçaxê teqîneke dijwar rû da.

Li ser kolana Çaxçax a di navbera taxên berxwedanê Firat, Abdulkadîrpaşa, Yenîşehîr û Dîcle de ye, danê vê sibehê teqîneke dijwar rû da.

Piştî teqînê, maşîna zirxî ya bi tîpa Kobra ku bi mehan e li kolanê ye, gule li taxan reşand. Gulereşandin bi qasî nvî saetê dewam kir.

Li Nisêbînê, di "qedexeya derketina derve" ya dawî ya 4 rojan dewam kir de 5 kes ji aliyê hêzên dewletê ve hatibûn qetilkirin. Fehîme Akti, Mahsûm Akdogan, Hakan Dogan, Mehmet Emîn Înan û Cûdî Teber ên jiyana xwe ji dest dan, duh ji aliyê bi deh hezaran kesî ve di merasîmeke girseyî hatibûn veşartin.