Li bajarê Nantes ê Fransa ji bo azadiya Rêberê Gelê Kurd Abdullah Ocalan û protestokirina qetlîamên dewleta Tirk ên li ser Kurdistanê çalakiya kon hat lidarxistin.

Çalakiya kon a ku Kurd û Fransî tevlîbûn, li Plaxe Commerce hat lidarxistin. Belavokên biyogragiya Ocalan û qetlîamên li Kurdistanê dike mijar hatin belavkirin,  Seroka Komaleya Jinan a Zîn Gulasor Uzunpinar jî axaftinek kir. Uzunpinar xwest ku raya giştî ya Fransa li dijî tecrîda li ser Ocalan û qetlîamên dewleta Tirk ên li ser Kurdistanê xwedî bertek be.