Yekîneyên Parastina Sivîl (YPS) li navçeya Şirnex Hezexê bi merasîmekê hat îlankirin. Di merasîma ku gelek endamên YPS'ê lê amade bûn de daxuyanî hat dayîn û hat gotin, "Dewleta Tirk a dagirker bi salane li gelek bajarên Kurdistanê bi qirkirinên fîzîkî û çandî re dixwaze gelê Kurdistanê tine bike. Hikûmeta AKP'ê ya faşîst, nexşerê û hewldaên aştiyê yên Rêber Apo îstîsmar kir û li dijî daxwazên herî rewa yên gelê Kurd bi helwesteke faşîzan êrîş kir."

Di daxuyaniya YPS-Hezexê de hat ragihandin ku sîstema rêveberiyê ya heyî bersivê nade daxwazên gelê Kurd, lewma xwerêveberî hatiye îlankirin û hat gotin, "Dewleta Tirk a ku bi helwesteke faşîzan êrîşî îlana xwerêveberiyan kir, bi polîtîkayên xwe yên tinekirin, înkar û asîmîlasyonê re bi salane bi hezaran mirovên bêguneh qetil kir. Li dijî kuştinên kiryar nediyar ên hewl tê dayîn ji nû ve bên kirin, li dijî girtin û îşkenceyê, xweparastin mafê herî bingehîn ê însanî ye."

YPS-Hezexê bang li tevahiya gelê Kurdistanê kir ku xwedî li vê berxwedana xwerêveberiyê derkeve û got, "Li hemberî êrîşên dewleta faşîst a hurmetê nîşanî bedenên me yên mirî jî nade, em îlan dikin ku di bin sîwanê YPS-Botanê de em xwe weke YPS-Hezexê bi rêxistin dikin. Em ê bi ruhekî fedaî, gelê xwe li dijî dewleta dagirker bparêzin. Heta ku hêzên faşîst ên mêtînger li Kurdistanê hebin, em ê jî têkoşîna xwe bidomînin. Em bang li tevahiya ciwanên Kurdistanê dikin ku tevlî refên YPS'ê bibin."

Daxuyanî bi qîrîna dirûşmên "Bijî berxwedana gelê Kurd", "Bijî berxwedana YPJ" û "Bijî Serok Apo" bi dawî bû.