Pêgerên hewayî yên bê mirov ên artêşa Tirk li Herêmên Parastinê yên Medya keşfê pêk tînin. Navenda Ragihandin û Çapemeniyê ya HPG’ê da zanîn ku li navçeya Xozat a Dêrsimê herêmên dora Qereqola Amuska, rasterast bi çekên giran û A-4 ve hatine gulebarankirin û hat gotin ku di encama gulebarankirinê de şewat derketiye û hê didome.

Navenda Ragihandin û Çapemeniyê ya HPG’ê daxuyaniyek nivîskî weşand û got,  22’ê Tîrmehê pêgerên hewayî yên bê mirov ên artêşa Tirk li ser herêma Avaşîn û xeta sînor xebatên keşfê kirine.

Hat diyarkirin ku 21’ê Tîrmehê  saet di navbera 22.00 û 22’ê Tîrmehê saet 05.30, saet di navbera 10.00-15.00 û 20.00 û 22.00’an de li ser herêma Avaşîn û xeta sînor xebatên keşfê hatine kirin. HPG da zanîn ku tevgera hewayî her çûye zêde bûye û wiha hate gotin: “23’ê Tîrmehê saet 03.30- 0430’an li herêma Garê, 22’ê Tîrmehê saet di navbera 20.30 û 23’ê Tîrmehê de saet 01.30’an li herêma Zapê, 22’ê Tîrmehê saet di 11.30-19.30’an li ser herêma Heftanînê pêgerên hewayî yên bê mirov ên artêşa Tirk xebatên keşfê kirine.

22’ê Tîrmehê saet 23.00 û 23’ê Tîrmehê saet 02.00’an li ser herêma Tendurek a Agiriyê û li ser herêma Eledag a girêdayî Panosê, di navbera rojên 22-23’ê Tîrmehê saet di navbera 23.00-04.00’an de herêma Demîrkapi ya girêdayî gundê Çemçe yê Qersê, 23’ê Tîrmehê saet di navbera 01:00 - 06:30’an de herêma Kire Kor a Îdirê, 22’ê Tîrmehê saet di 19:00 - 00:00’an li ser herêma Norşîna Bedlîsê pêgerên hewayî yên bê mirov ên artêşa Tirk xebatên keşfê kirine.

22’ê Tîrmehê saet di navbera 15.00 û 19.00’an de pêgerên hewayî yên bê mirov ên artêşa Tirk ên tîpa Bayraktar li her herêma Heftanînê xebatên keşfê kirine. Li ser vê gerîlayan bi çekên giran gule berdane balafirê û balafir ji wir dûr ketiye. Her wiha Qereqola Tepê Meymun li dijî herêma Şehîd Kendal bi çekên giran rasterast gule barandiye û tankan jî li herêmê bombebaran pêk aniye.

TEVGERA HELÎKOPTERÊN KOBRA

HPG'ê da zanîn ku 22’ê Tîrmehê saet 12.00’an li navçeya Xozat a Dêrsimê herêmên dora Qereqola Amuska, rasterast bi çekên giran û A-4 ve hatine gulebarankirin û hat gotin ku di encama gulebarankirinê de şewat derketiye û hê didome.

HPG'ê da xuyakirin ku 21’ê Tîrmehê danê sibê li navçeya Pilurê li hemberî herêma gundê Otlubahçe artêşa Tirk operasyonek pêk aniye û operasyon heman rojê bê encam vekişiyaye.

HPG’ê di berdewamiyê de da zanîn ku 22’ê Tîrmehê saetên nîvro, li navçeya Dambat a Agiriyê li herêmên Eleganê û Gola Kozo, leşkerên Tirk bi cil û bergên sivîl geriyane û kemîn danîne. Hat diyarkirin ku artêşa Tirk ev 3 roj in ji bo qereqola Şemalî ya Mûşê sewqiyata leşkerî dike.