Navenda Çapemenî û Ragihandinê ya HPG’ê da xuyakirin ku li dijî êrîşên zêde yên artêşa Tirk hêzên gerîlayan li dijî Qereqola Karataşê çalakî li dar xistin.

HPG’ê di daxuyanî de têkîldarî êrîşên artêşa Tirk jî agahî dan.

Navenda Çapemenî û Ragihandinê ya HPG’ê di daxuyaniyê de têkîldarî çalakiya li hember qereqola Karataş a li herêma Zapê wiha ragihand:

TÊKÎLDARÎ ÇALAKIYA LI DIJÎ QEREQOLA KARATAŞÊ

13’ê Çileyê saet 08.30’an hêzên gerîlayên me li dijî qereqola Karataş a li xeta sînorê herêma Zapê ya Herêmên me yên Parastinê yên Medyayê çalakî li dar xistin. Di çalakiyê de avahiya qereqolê, tank û wesayîteke leşkerî yên li hewşa qereqolê hatin hedefgirtin û bi bandor hatin derbkirin. Di vê çalakiyê de hejmara mirî û birîndaran nehat zelalkirin, piştî çalakiyê qereqoloa Karataşê qadên derdora xwe da ber obus û hewanan.

LI DIJÎ QERQOLA ŞKÊR ÇALAKÎ

Navenda Çapemenî û Ragihandinê ya HPG’ê têkîldarî çalakiya gerîla ya li hember qerqola Şkêr a 13’ê Çileyê wiha parve kir:

“13’ê Çileyê saet 12.30’an hêzên gerîlayên me li dijî qereqola Şkêr a li xeta sînor çalakiyek li dar xistin. Di vê çalakiyê de avahiya qereqolê û çeperek hat hedefgirtin, bi roketavêjên B7 ve bi bandor hat derbkirin. Di vê çaliyê de hejmara mirî û birîndaran nehate zelalkirin, artêşa TC mirî û birîndarên xwe bi helîkopterên Skorsky rakirin. Piştî çalakiyê qereqola Şkêr heta saet 16.00’an; Latê Kewan û qadên derdor da ber obus û hewanan.

LI HEMBER QADÊN GERÎLA BOMBERDÛMAN

Navenda Çapemenî û Ragihandinê ya HPG’ê ragihand ku artêşa Tirk li dijî Herêmên Parastina Medyayê êrîşên xwe didomîne.

“13’ê Çileyê saet 05.00-05.30’an qereqola Arûş a li xeta sînorê herêma Metîna ya Herêmên me yên Parastinê yên Medyayê; qada Şehîd Dîlber da ber obus û hewanan, saet 14.00-14.30’an qereqola Şkêr qadên derdora xwe da ber çekên giran.
13-14’ê Çileyê saet 18.00-05.30’an  li ser herêma Garê, her wiha di heman rojan de danê sibehê saet di navbera 06.00 û roja din danê sibehê 06.00’an de li ser herêma Zapê pêgerên hewayî yên keşfê geriyan. 14’ê Çileyê saet 02.00-04.00’an li ser herêma Avaşînê tevgera balafirên şer çêbûn.”