Li Helepçeyê, çalakiya boykotê ya mamosteyan ku ji ber nedana mehaneyên wan destpê kir, dewam dike. Desteka ji bo mamosteyan jî zêde dibe.

Li Başûrê Kurdistanê bajarê Helepçeyê, boykota dibistanan a mamosteyan dewam dike.

Mamosteyên li Parka Baxê Giştî hatin cem hev, dixwazin bersiv ji daxwazên wan re bê dayîn. Mamoste dibêjin; eger bersiv neyê dayîn ew ê çalakiyên xwe bidomînin. Mamosteyên ji gundiyê Xurmanê hatin û Şaxê Sendîkaya Parêzeran a Helepçeyê jî destek dan mamosteyan.

Mamosteyên Xurmanî û parêzerên bi armanca destekdayînê tevlî çalakiyê bûn, dixwazin daxwazên wan ji aliyê hikûmetê ve bi cih bên anîn.

LI HER DERÊ ÇALAKÎ TÊN LIDARXISTIN

Li Silêmaniye, Helepçe û navçeyên Seyît Sadiq, Pêncewîn, Şarezûr û Hewramanê îro mamoste neketin dersan û xwepêşandanên xwe yên boykotê dewam kirin. Mamoste dixwazin mehaneyên wan ên 4 meh in nayên dayîn, werin dayîn.