Bi armanca protestokirina êrîşên qirkirinê yên dewleta Tirk li ser Sûrê dimeşîne û ji bo piştgiriya berxwedana gelê Amedê, li bajarê Hannover ê Elmanyayê çalakî hat lidarxistin.

Kurdistanî û dostên wan ên bi banga NAV-DEM’ê li ber stasyona trenê ya navendî kom bûn, mîtîngek li dar xistin.

Girseya li ber Stasyonê, dirûşmeyên “Bijî Berxwedana Sûrê”, “Hêzên Dagirker Ji Kurdistanê Bicehemin” berz kirin. Di çalakiya ku pankartên Elmanî jî hatin vekirin de posterên Rêberê Gelê Kurd Abdullah Ocalan hatin rakirin.

Di çalakiya ku axaftin tê de hatin kirin de, Serokê Dîe Lînke yê Hannoverê, endamên Dîe Lînke, her wiha hevbirên Yekîtiya Hêzên Demokratîk jî amade bûn.