Li navçeya Colemêrg Geverê, hêzên dewleta Tirk danê êvarê bi hejmareke zêde ya ji leşker û polîsan hewl dan li hemberî taxa Yenîmahale operasyonê pêk bînin û ji aliyê Oremarê ve gule li taxê reşandin.

Piştî vê gulereşandinê, hêzên dewletê hewl dan bi kepçeya zirxî bikevin nava taxê. Li ser vê yekê hêzên YPS û YPS Jin bersiv dan û şer derket. Di encama vî şerî de hêzên dewleta Tirk neçar man xwe vekişînin.

Li aliyê din, girseya gel a li ber Mala Gel li hev civiya, bi qîrîna dirûşmeyan re destek da hêzên xweparastinê.