Li bajarê Dusseldorf ê Elmanya li ser banga Tevgera Jinên Kurd ên Ewropa (TJK-E) çalakiya bi şîara, “Ji Ocalan Re Azadî, Ji Kurdistan Re Statu” destpê kir, didome.
ANF
DUSSELDORF
sêşem, 22 berfanbarê 2015, 14:51
Çalakiyên kon ên bi, “Ji Ocalan Re Azadî, Ji Kurdistan Re Statu” dewam dikin.
Li bajarê Dusseldorf ê Elmanya li ser banga Tevgera Jinên Kurd ên Ewropa (TJK-E) çalakiya bi şîara, “Ji Ocalan Re Azadî, Ji Kurdistan Re Statu” destpê kir, didome. Çalakiya îro saet 12.00’an bi bi nobeda Meclîsa Jinan a Viyan a Wûppertal û Meclîsa Jinan a Solîngen destpê kir. Piştî saet 16.00’an wê Meclîsên Jinan ên Dusseldorf û Neûss nobedê wergirin û heta saet 20.00’an bidomînin.
XWERÊBERÎ TÊN SILAVKIRIN
Çalakiya ku bi pêşengiya TJK-E destpê kir, bi tevlîbûna Meclîsa Jinan a Dusseldorf, Meclîsa Jinan a Viyan a Wûppertal, Meclîsên Jinan ên Monchengladbach, Krefeld, Grevenbroîch, Neûss, Solîngen, Dûîsbûrg û Buroya Aştiyê ya Jinên Kurd (CENÎ) ve pêk tê.
Çalakiya kon a li pêşiya Hauptbahnhof a Dusseldorfê her roj saet di navbera 12.00-20.00’an de pêk tê, 24’ê Kanûnê wê di navbera saet 12.00-16.00’an de pêk were.
Ciwan bi pêşendana şanoyê ya terora dewleta Tirk a li ser Kurdistanê dike mijar ve piştgiriyê didin çalakiyê.
