Baskê yekem ê meşa welatparêzên ji herêmên paytext Viyana, Graz, Lînz, Wels, Ternîtz û St. Polten hatin, îro di saetên sibehê de ji St. Polten destpê kir.

Meşa bi armanca protestokirina komploya li hember Rêberê Gelê Kurd Abdullah Ocalan û terora dewleta Tirk a li ser Bakurê Kurdistanê tê lidarxistin bi beşdarbûna dostên Kurdan, Tirk û Lazan pêk tê.

‘MIROVAHÎ TÊ QETILKIRIN; DAKEVIN QADAN’

Kesê ku beşdarî meşê bûn diyar kirin ku di vê pêvajoyê de divê her kes cih li gel gelê Kurd bigire û wiha hat gotin: “ Ji ber ku li Tirkiyeyê mirovahî tê qetilkirin. Qetilkirina zarokan, jinên ducanî, kalan û ciwanan bi ti awayî nayê pejirandin. Divê terora dewletê demildest bi dawî bibe.”

Laz u Tirkên ku beşdarî meşê bûn jî bang li gelê xwe kirin û wiha gotin: “ Dakevin kolanên Tirkiyeyê û daxwaza dawî anîna şer bikin.”