Kongreya Jina Azad (KJA), îşkenceyên cinsî yên AKP di çarçoveya polîtîkayên şer de li hember jinan pêk tîne protesto kir.

Di daxuyaniyê de hat gotin: "Hikûmeta AKP’ê di operasyona qirkirina siyasî ya di çarçoveya şerê topyekûn pêk tîne, 23’ê Tebaxê li Taxa Daglioglû ya li navçeya Seyhan a Edeneyê di bin çavan de ku îşkenceya cinsî li hember Fîgen Şahîn pêk anî salên 1980’an bi bîr tîne.

'TÊKOŞÎNA JIN BÛ XEWNA XOF A AKP’Ê’

Daxuyaniyê wiha dewam kir: "Aqlê zorba û mêtinkar ê zilam di pêvajoyên şer de destpêkê jinê û bedena jinê dike hedef. Di vê pêvajoyê de yekemîn êrîş û wêneyê wehşetê 10’ê Tebaxê li navçeya Gimgim a Mûşê di şexsê Kevser Elturk (Ekîn Wan) de pêk hat. Di dewama wê de hilbijartiyên xwedî li xwerêveberiyan derketin, bi taybet hevserokên jin ku hatin girtin û di bin navê ‘kontrola zirav’ de rastî lêgerîna tazî hatin, tenê yek ji helwesta bêperwa ya polîtîkaya şer a li ser bedena jin e.”

KJA got asta ku Têkoşîna Azadiya Jinê îro gihiştiyê, din av civakê de ku jiyana azadiyê dihûne bûye xewna xof a AKP’ê û got: “Îşkence cinsî ya di bin çavan de  li hember Fîgen Şahîn hat kirin careke din dijmintî û zîhniyeta tecawizkar a AKP’ê ya li hember jinê derxistiye holê.”

KJA îşkenceya li hember Şahîn şermezar kir û bang li tevayî jinan kir ku têkoşîna azadiyê pêş bixin.